மகஇக-வே இதோ உனக்கு ஒரு சாவு மணி !

மகஇக-வே இதோ உனக்கு ஒரு சாவு மணி !






விஜயகாந்த்,ரஜினிகாந்த் போன்ற புரட்சியாளர்கள் முதல்வர்களாக வர வேண்டும் கொடி பிடித்து அலையிற நாட்டில் போலி ஜனநாயகம்,போலி அரசியல்வாதிகளின் கை பிடிக்குள் இருக்கிற நாட்டில்,கம்யூனிச சிந்தனைவாதிகளும் போலி கம்யூனிஸ்ட்டுகளாக அவதாரம் எடுக்க வேண்டிய கட்டாயத்திற்கு ஆளாக வேண்டியிருக்கிறது.



கர்நாடக கம்யூனிஸ்ட்,கேரள, தமிழ்நாட்டு கம்யூனிஸ்டுகள் அந்த அந்த மாநில உணர்வோடுதான் இருந்தால்தான் வோட்டு பொறுக்க முடியும் . எடுத்துக்காட்டாக ஒரு தமிழன்.தமிழன் என்ற உணர்வோடு இருந்தால் கேரளாவில் ஒரு சின்ன பெட்டிக்கடை கூட வைத்து பிழைக்க முடியாது. பிழைக்க போன இடத்தில் மலையாளிகளின் உணர்வோடு ஒத்துப் போனால் தான்,அந்த தமிழனால் உயிர் பிழைக்க முடியும் .

இந்த நிலைபாட்டை புரிந்து கொண்டால் தான் தமிழ்நாட்டின் கம்யூனிஸ்டுகளை புரிந்து கொள்ள முடியும். இதனால் தான் கேரளா கம்யூனிஷ நாடாக இருந்தாலும்,தண்ணீர் தர மறுக்கிறது.இந்த நடைமுறை உண்மையை உணர்ந்தால் தான் இந்த மண்ணுக்கேத்த புரட்சியை முன்னெடுத்து செல்ல முடியும்.





மொழி,சாதி ,மதம் ,நாடு போன்ற பிரிவினை செய்யாத ஒரு புதிய இந்தியாவை அமைப்பது வெறும் கம்யூனிஷ்டுகள் மட்டுமே செய்ய வேண்டும் என்று குறை கூறி திரிபுவாதம் பேசாமல் அனைவரும் பங்கேற்க,பங்கேற்கபடி செய்ய வேண்டும்.


அதை விட்டு விட்டு கம்யூனிஸ்டுகளை குறை கூறுவதால் மட்டும் மகஇக-வே நீங்கள் உண்மையான கம்யூனிஸ்ட்டுகள் ஆகிவிட முடியாது.



இந்தியாவில் ஊழல் பெருச்சாளிகளின் நிழலின் தான் பொதுவுடைமை ,பெரியார் இயக்கங்கள் வளர வேண்டிய சூழலுக்கு தள்ள பட்டு கிடக்கின்றன.

அந்த கட்சியை சேர்ந்த தோழர்கள் தங்களின் சொந்த பணத்தை,நேரத்தை,உழைப்பை ஏன் சில சமயங்களில் இரத்தத்தைக் கூட கொடுத்து, தன் குடும்ப நலனை விட,நாட்டு நலனே முக்கியம் என்று பணம், பணம் என்று பணத்துக்கு பின்னால் ஓடும் சராசரி மனிதப் பிணங்களுக்கு மத்தியில் தியாக தீபங்களாக,உண்மையான மனிதர்களாக நடமாடி வருகிறார்கள்.





இவர்களுக்கு நீங்கள் மரியாதை கூட தர வேண்டாம்.அவமானப்
படுத்தாதீர்கள்! இவர்களின் தியாகங்களை கொச்சை படுத்தாதீர்கள்!


பெரியார் படைத் தளபதி கி.வீரமணி பெரியார் சிந்தனைகளை விற்று காசக்கிறார் என்று ஊளைவிடுகிறீர்கள்.பெரியார் சிந்தனைகளை விற்று காசாக்குவது கடினம்.மக்களை சிந்திக்கிற தூண்டுகிற உண்மைகள் அவைகள். அந்த கடினமான பணியை பெரியாரின் இறப்புக்கும் பிறகும் கூட செய்து பெரியார் இயக்கத்தை பல மடங்கு உயர்த்திக் காட்டிய பெருமை,கம்பீரம் தமிழர் தலைவர் கி.வீரமணிக்கு உண்டு.இந்த நல்ல விஷயத்தை முடிந்தால் பாராட்டக் கற்றுகொள்ளுங்கள்.


உங்கள் அணுகுமுறையில்,பேச்சில்,உங்கள் எழுத்தில் அழுகல் வாடை அல்லவா வீசுகிறது?கடவுளை கட்டி அழுகிற முட்டாள் மூடநம்பிக்கைவாதிகளை, முதலாளிகளை காப்பாற்றுகிற பணமுதலைகளின் அசல் குரலாகத்தான் உங்கள் குரல் ஓங்கி ஒலிக்கிறது.


ஏ.....! ஓநாய் கூட்டமே!உன் குரலை நீயே உற்றுக் கேள்.அந்த உண்மை உனக்கே புரியும்.!

பொய் முகத்தோடு,பொய் இமெயில் முகவரியோடு,எங்கோ ஒரு நாட்டில் இருந்து கொண்டு அழுகிப் போன எழுத்துக்களை அள்ளி வீசும் கோழைகளே !நீங்களோ உண்மையான கம்யூனிஸ்ட்டுகள்? நீங்களா புரட்சியின் புதல்வர்கள்? அட! மானம் கெட்டவர்களே!



அரசு டாஸ்மாக் சாராயம் விற்ற காசில் ரேஷன் கடையில் சர்க்கரை பொங்கல்,ஒரு ரூபாய் அரிசி என்று இலவசமாக வழங்கும் போலி அரசியல்வாதிகளை தான் நீங்கள் அதிகமாக விமர்சிக்க வேண்டும்? அவர்கள் தானே ஆட்சியில் இருக்கிறார்கள்?



மிஞ்சிப்போனால் தமிழ் நாட்டுக்குள் வெறும் பத்து இடங்களுக்கும் குறைவாக தேர்தலில் வெற்றி பெறும் (உங்கள் பாணியில் சொன்னால்) போலி கம்யூனிஸ்டுகளின் மீத உங்கள் எழுத்து அசிங்களை அள்ளி வீசுவது? அதிமுக,திமுக,தேமுக,மதிமுக போன்ற நாடு "முன்னேற" உழைக்கும் உண்மையான அரசியல்வாதிகளை,உண்மையான கம்யூனிஸ்ட்டுகளான நீங்கள் விமர்ச்சனம் செய்யுங்கள்! அந்த விமர்சனத்தை பார்த்து புல்லரித்துப் போகும் மக்கள் உங்களுக்கே ஒட்டு போட்டு புளகாங்கிதம் அடைவார்கள்!





எங்களுக்கு யாரும் ஓட்டெல்லாம் போட மாட்டர்கள் என்ற அவநம்பிக்கை உங்களுக்கு தோன்றினால்...

உங்கள் செயல்,நடவடிக்கைகள்,குழுக்களை கலைத்து விட்டு மக்களோடு மக்களாக வாழ முயற்சி செய்யுங்கள்!





பெரியார்,பொதுவுடைமை இயக்கங்களை குறை சொல்லுவது மட்டும்ந்தான் உங்கள் புரச்ச்ச்ச்ச்.....சி அரசியல் என்றால் தயவு செய்து எல்லோரும் நல்ல மன நோய் மருத்துவமனைக்கு போய் சிகிச்சை எடுத்துக்கொள்ளுங்கள்!




அதுதான் உங்களுக்கும்,மக்களுக்கும்,நாட்டுக்கும் நல்லது!

(என் இணைய தளத்தில், நான் எழுதிய "மகஇக-வே இதோ உனக்கு ஒரு சாவு மணி!" என்ற அரசியல் கட்டுரையை , தன் வலைத் தளத்திலும் பதிவு செய்து கொண்ட

http://soccpiml.blogspot.com/2009/01/blog-post_05.html

என்ற வலைதளத்திற்கு நன்றி! )

மகஇக-வே இதோ உனக்கு ஒரு சாவு மணி !

வெப்சைட் வேட்டை (collection of website addresses)

ஆன்லைன் பூங்கொத்துக்களை அனுப்ப...


இது ஒரு வித்தியாசமான வாழ்த்துப் பூங்கொத்தை அனுப்பும் இணைய தளம்.


மற்ற தளங்களில் அங்கு ஏற்கனவே இருக்கும் வாழ்த்து அட்டைகள்,அனிமேஷன்களை மட்டுந்தான் அனுப்ப முடியும்.


ஆனால் இந்த தளம் அப்படி இல்லை. நமக்கு பிடித்தமானவர்களுக்கு, நமக்கு பிடித்த நிறத்தில்,நமக்கு பிடித்த மாதிரி வடிவத்தில் அனுப்பும் சுகமான அனுபவத்தை தருகிறது.


இந்த இணைய தளம் போனால் விதவிதமான பூக்களையும்,பூஞ்சாடிகளையும் பார்க்கலாம்.


தேவையான வடிவத்தில் பூஞ்சாடிகளை தேர்ந்தெடுத்து, அதற்கான நிறத்தையும் கூட நாமே தேர்ந்தெடுக்கலாம்.அதற்கு பிறகு நமக்கு பிடித்த பூக்களை பிடித்து இழுத்து


வந்து,அந்த பூஞ்சாடிக்குள் நமக்குப் பிடித்த இடத்தில் நட்டு நிறுத்தி, அதோடு வாழ்த்துத் தகவலையும் சேர்த்து,அங்கிருக்கும் அழகான உறை ஒன்றையும் இணைத்து,நம் பிரியமானவர்களுக்கு,உங்களுக்குப் பிடித்த தேதியில், இமெயில் முகவரிக்கு அந்த ஆன்லைன் பூங்கொத்தை அனுப்பினால்...


அந்த பூங்கொத்தை திறந்த தகவலை இமெயில் ஓடோடி வந்து...


அந்த அன்புச் செய்தியை அழகாய் சொல்லும்...


http://www.flowers2mail.com/



உங்கள் காலண்டரை நீங்களே உருவாக்குங்கள்


இந்த தளம் போய் நமக்கு தேவையான மாதம்,வாரம் என்று தேர்ந்தெடுத்து பிரிண்ட் எடுக்கலாம்.வாரத்தை திட்டமிட,ஒவ்வொரு நாளையும் திட்டமிட என தனித்தனியாக பிரிண்ட் எடுத்து பயன்படுத்தலாம். வித விதமான நிறங்களில் காலண்டர்களைப் பெறலாம் என்பது இதன் சிறப்பு.


அதோடு நிதி நிர்வாகம் ,உடல்நலம் தொடர்பான போன்ற பலவற்றையும் இலவசமாக பெற்றுப் பயன்படுத்தலாம்.






www.eprintablecalendars.com






வீடியோவில் இருந்து ஆடியோவைப் பிரிக்க...


இந்த தளம் தரும் இலவச சாப்ட்வேர்களை டவுன்லோட் செய்யவும். தேவையான கட்டளைகளை செயல்படுத்தி வீடியோவில் இருந்து ஆடியோவைப் பிரித்தெடுக்கலாம்.அந்த ஆடியோ பைலை mp3 வடிவத்திலும் மாற்றிக் கொள்ளலாம்.

http://www.videohelp.com/

வைரஸ் உள்ள இணையதளமா?


அறிமுகம் இல்லாத இணையதள லிங்கை கிளிக் செய்வதன் மூலம் நம் கம்யூட்டரை வைரஸ் போன்ற ஆபத்துக்கள் தாக்கும் அபாயம் இருக்கிறது.அந்த பிரச்னையை போக்குகிறது, இந்த தளம்.


இந்த தளம் போய் அந்த அறிமுகம் இல்லாத புதிய இணையதள முகவரியைத் தந்தால்,அந்த புதிய தளத்தை பிரிவியூ வடிவத்தில் காட்டும்...


இந்த தளம் வழங்கும் டூல் பாரை டவுன் லோட் செய்து,இயக்கினால் நம் பிரவுசரிலிருந்தே அந்த இணைய தள வசதியைப் பெறலாம்.ஆபத்தான இணைய லிங்கை கண்டறிந்து தவிர்க்கலாம்.


http://www.prevurl.com/


இணைய பக்கங்களில் தேவையான பக்கத்தை மட்டும் பிரிண்ட் எடுக்க

இந்த தளத்தில் இருக்கும் lexmark என்னும் டூல்பாரை டவுன்லோட் செய்ய வேண்டும்.இணைய பக்கங்களில் இருக்கும் தேவையில்லாத கிராபிக்ஸ்,படங்கள் போன்றவைகளை நீக்கி பிரிண்ட் எடுக்கலாம்.


கலர் பிரிண்ட்டுக்கு என தனி மெனுவும்,கருப்பு வெள்ளைக்கென்று தனி மெனுவும் இருக்கிறது.இதனுடன் picnik என்னும் புகைப்படங்களை எடிட் செய்யும் மென்பொருளையும் இலவசமாக டவுன்லோட் செய்து பயன்படுத்தலாம்.

www.lexmark.com

ஒரே பிரவுசரில் இரண்டு இணைய தளத்தை திறக்க

இந்த இணைய தளம் போனால், ஒரே பக்கத்தில் இரண்டு இணையதளப் பக்கங்கள் இருக்கும்.அதில் நமக்கு தேவையான இணையதள முகவரிகளை டைப் செய்து, அவைகளை ஒரே பக்கத்தில் பார்க்கலாம்.நேரத்தை மிச்சப் படுத்தலாம்.


http://www.dualpage.com.br/


ஒரே மாதிரி உருவத்தின்,ஒரே மாதிரி படத்தைத் தேட...

இந்த தளம் போய் நமக்குத் தேவைப்படும் படத்தின் பெயரைக் கொடுத்து தேடச்சொன்னால்,ஏராளமான படங்களை திரையில் கொண்டுவந்து கொட்டும்,காட்டும்


அதில் நமக்குப் பிடித்த படத்தை மட்டும் தேர்வு வலப்புறத்தில் இருக்கும் தேடல் பகுதியில் கொண்டுபோய் விட்டால்...


உதாரணத்திற்கு தேடப்பட்ட படங்களில் ஐஸ்வர்யாராய் சேலை கட்டியிருக்கும் படத்தை மட்டும் அந்த வலப்புறத் தேடல் பகுதியில் கொண்டுபோய் விட்டு தேடச்சொன்னால்...


ஐஸ்வர்யாராய் சேலை கட்டியிருக்கும் எல்லா படங்களையும் பட்டியலிடும்...

www.pixolu.de

வெப்சைட் வேட்டை (collection of website addresses)